هل ينفع زيت الزيتون للقلي!؟

السلام عليكم ورحمة الله وبركاتة

— هل ينفع زيت الزيتون للقلي!؟
نعم ينفع بس مو أي نوع يفضل القلي بزيت الزيتون الصافي او المكرر لأن درجة التبخر فيهم أعلى زيت الزيتون البكر والبكر الممتاز غير مناسبين للقلي أبداً إنما مناسبين للسلطات والتغميسات او كبديل للزبدة إذا بتدهنونها عالتوست او الخبز انزين
ليش!؟؟
لما بنقلي بأي زيت لابد نعرف شغله يسمونها درجة تبخر الزيت اللي على أساسها نختار اي زيت انسب للقلي شنو يعني درجة التبخر!؟
( هي درجة الحرارة اللي يبلش فيها الزيت يطلع دخان او يحترق + من بعدها تتبدل التركيبه الكيميائية له <<< هذا اللي ما نبيه يصير) أمثلة لبعض درجات تبخر الزيوت:
زيت الزيتون البكر الممتاز = 160 زيت الزيتون المكرر = 237 زيت الأفوكادو = 271 زيت الكانولا =232 زيت عباد الشمس = 225 مادري عنكم
لكن من رأيي الشخصي:
1- يفضل الابتعاد عن القلي كطريقة للطهي لأن سواء زيت صحي او غير صحي راح يزيد السعرات والدهون بأكلي وهذا شي ما ابيه
2- في حال قليت لا استخدم زيت الزيتون انما استبدله بزيت عباد الشمس او زيت الكانولا او الذرة لأني ما اضمن مدى تكرير اي شركة لزيت الزيتون ودرجة التبخر لزيوتهم

بالأخير الراي رايكم والأكل أكلكم وانتو حرين..