السلام عليكم ورحمة الله وبركاتة
#غسيل_القولون .. فكرة غسيل القولون بنيت على اساس تخليص الجسم من السموم المتراكمه بالامعاء فبالتالي تقلل الامراض والسرطان .. وفيه اكثر من طريقه لغسيل القولون .. اما اعشاب او حبوب مسهله او انبوب يدخل من فتحة الشرج ويتم رش بعض الاعشاب مع الماء .. ويتم الغسيل حسب رغبة المريض .. مره كل 3 شهور او 6 شهور ....
طبعاً هذا كله كلامي فاضي!!! ..
غسيل القولون لعبه تجاريه بحته ومافي اي دليل علمي او دراسه واقعيه تثبت فايدتها وبالعكس في دراسات بينت اضرار كبيره لها ((مريض مره قالي بس بالعقل دكتور، انت قاعد اطلع سموم متراكمه بأمعاءك)) بالضبط ..
بالعقل الامعاء مهمتها تخليص الجسم من السموم ما تنطر احد يساعدها وحتى لو الواحد حايشه امساك تضل هذي السموم معزوله عن الجسم تماماً وغسيل القولون يستخدم فقط في حاله واحده ... هي تجهيز المريض لمنظار القولون فقط لاغير، عشان يكون كل شي واضح ..
ومن الاضرار الخطيره لغسيل القولون:
- لخبطة باملاح الجسم
- زيادة فرص التهاب الامعاء بسبب التخلص من البكتيريا المفيده
- زيادة فرص الالتهاب الطفيلي بسبب استخدام اغراض غريبه للغسيل
- تصدع جدار الامعاء وتشققها ((قد تكون مميته)) ..
انسو شي اسمه غسيل قولون وحتى لو في مراكز واطباء يمارسون غسيل القولون فهذول بايعين ذمتهم والله يحفظكم ❤
الأحد أغسطس 08, 2021 9:36 pm من طرف 
