أهمية الملح للرياضيين..

السلام عليكم ورحمة الله وبركاتة

أهمية الملح للرياضيين..

للاسف أغلب الرياضيين على بالهم الكلام الي يمشي على الناس الطبيعيه والي فيهم امراض متعلقه بالسمنه المفرطه يمشي عليهم تعريف الانسان الطبيعي يقوم من النوم و يتريق يروح الدوام يرجع البيت و يتغدا ينام يقوم و يطلع مادري وين يتعشا يرجع البيت و ينام و يمكن يلعب كره مره بالاسبوع اذا ذابح عمره تعريف الرياضي نفس نمط حياة الانسان الطبيعي بس ياكل اكثر عشان يغطي احتياجاته اليوميه للطاقه و يلعب رياضته المفضله على الاقل 4 مرات بالاسبوع بإسلوب كثيف و مرهق نرجع لمحور حديثنا الملح أساسي للرياضي و اذا غطيتوا احتياجاتكم بتقللون احتباس الماي بالجسم بالاضافه نقص الملح يؤدي الى التقلصات (cramping) و خسارة الكالسيوم والمغنيسيوم اي يا جماعة الخير هذا علم: قلة الصوديوم تؤدي الي خسارة الكالسيوم والمغنيسيوم والي مو مصدقني انصح يراجع اولى متوسط الملح يحتوي على 40٪ صوديوم و 60٪ كلوريد والاثنين وايد مهمين للرياضيين الصوديوم أساسي لان يحفاظ على توازن السوائل في الجسم و على وظيفة الجسم الفيزيولوجية للاداء الامثل اثناء ممارسة الرياضه والحياة اليوميه يعني بدون الملح ما تقدرون تحركون صبع واحد ولا تنطقون كلمه يعني قلة الملح = تحشيش الكلوريد اساسي للحفاظ على التوازن الحمضي / القلوي، نقل النبضات العصبية وتنظيم السوائل داخل وخارج الخلايا الخلاصه الطويله الي حارم نفسه من الملح انصح يستعمله و يمشي على شهيته ليش يمشي على شهيته؟ اولا في دراسه توضح أن شهيتكم للموالح بعد الرياضه تزيد وهذا معناته انكم فقدتوا وايد املاح اثناء التمرين والشي الثاني الكل له احتياجه للملح على حسب مواصفات جسمه و نمط حياته الرياضي الي يحس بحاجة الملح انصح بإضافته لان هذه ردت فعل الجسم لما ينقصه شي اساسي والي ما يحب الملح؟ هم هذه ردت فعل الجسم لما ما يحتاج الملح منشنو الي للحين متعقدين من الملح.