فيروس الكبد الوبائي

السلام عليكم ورحمة الله وبركاتة

فيروس الكبد الوبائي

فيروس_الكبد_الوبائي_سي .. المريضه اهي وصديقاتها تعودوا اييبون وحده عن طريق صالون عشان تغزهم أبر بوتكس أو فيلوز لخدودهم وويهم وبعد نفس الشي تسويلهم تاتو سواء للحواجب أو غير من هالامور .. سألتها اذا تستخدم ابر جديده لكل شخص وقالت دايما كل شخص ابره يديده فسألتها اكثر شلون تسحب الماده فقالت عن طريق الابره تسحب الماده وتحقنها وترجع مره ثانيه تسحب الماده بنفس الابره (فبالتالي تتلوث الماده من الابره لانها احقنتها بالاساس بجلد شخص قد يكون مصاب) .. #أنانيه_غريبه .. المريضه راجعت العياده لبدأ علاج فايروس الكبد سي بعد ماسوت التحاليل كلها والمريضه متزوجه فطبيعي سألتها اذا زوجها حلل للفايروس فقالت انها ماقالت له انها مصابه ولا راح تقوله!! سألتها عن السبب ردت قالت تخاف يفهم غلط ويشك فيها ويظلمها وتخسره (كون ان الفايروس ينتقل بعد عن طريق الجماع) .. قلت لها انتي يايه تاخذين علاج فمن حق زوجج اذا كانمصاب ياخذ علاج حاله حالج حتى لو راح تخسرينه وحرام اللي تسوينه فيه، ردت علي قالت افكر بس ما اوعدك اقوله .. (يمكن تكون بعض القرارات مصيريه بحياتنا بأمور معينه لكن ماتوصل لمرحلة اني ابدي نفسي على شخص المفروض يكون اقرب الناس لي)