هل البروتين يتحول الى دهون؟

مرحباً..

هل البروتين يتحول الى دهون؟

نعم تحول البروتين الى دهون يعتبر من بدائيات علم فسيولوجيا الجسم وكل كتب التغذية تذكر ذلك ، ومثال على ذلك لا الحصر الكتب التالية والي تعتبر من اشهر مصادر كتب التغذية المعتمدة والي تدرس في كثير من الجامعات
1. advanced nutrition and human metabolism 2.
understanding nutrition 3.
discuvering nutrition
الموضوع علمي ونظري بحت واحب اوضحه بطريقة سهلة ومختصرة عشان الكل يفهم في البداية احب اوضح ان المقصود من تحول البروتين الى دهون يختلف اختلافا كليا عن موضوع تحول العضلات الى دهون فالاخير مثبت عدم صحته ، فاتمنى عدم الخلط بين الموضوعين اولا شلون تتراكم الدهون؟ اذا اكلنا بكميات كبيرة اكبر من حاجة الجسم لاستخدامها كطاقة ، فان الفائض يتحول الى دهون اما اذا ابي اتكلم بطريقة علمية: اكو مادة تستخدم لانتاج الطاقة في الخلايا تسمى Acetyl CoA هذي المادة يتم صناعتها من الدهون والكارب والبروتين هذي المادة يستخدم الجسم جزء منها للطاقة وعلى حسب حاجة الجسم ، والفائض منها اذا ما استخدم للطاقة يتحول الى دهون عشان يقدر الجسم يستخدمها في وقت ثاني متى ما بغى وهني تطلع نظرية السمنة ، وليش الشخص اذا اكل وايد وما تحرك وايد يصير متين ، لان هذي المادة تزيد عن الحدود وتتحول الى شحوم طيب .. نرجع لموضوع البروتين وكثرة تناوله بعض الاحماض الامينية تتحول الى هذي المادة (acytyl coa) وتسمى هذي الاحماض (ketogenic) ومثل ما قلنا انها اذا زادت عن الحاجة تتحول الى شحم والبعض الآخر من الاحماض تتحول الى جلوكوز وتسمى هذي الاحماض (glucogenic) ، وهنا ايضا من ناحية نظرية ان الجلوكوز اذا زاد عن الحد يتحول الى دهون (فيه نقاش من الناحية الفعلية) وبالتالي البروتين اذا زاد تناوله عن الحد المطلوب مافي ادنى شك انه راح يتحول الى دهون ولكن ايضا بدون شك ان تحول الدهون والنشويات الى شحوم اسهل

والله اعلم

رائع دمت بود وسلام

مشكور